GAUDHAN LAXMI

गउधन  लक्ष्मी 

गीत -गउधन लक्ष्मी जान 

गायक -कांतिकार्तिक यादव

गीतकार  -मिनेश कुमार साहू 

संगीत  -ओपी देवांगन 

म्यूजिक लेबल -ओपी देवांगन 

वेबसाइट   -www . cgjaslyrics .com

वेबसाइट owner -कैलाश  पंचारे 

गउधन  लक्ष्मी 

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

उड़ान -गउ म देवता तैतीस कोटि झन कीजर तै ऐति ओती 

गउ म देवता तैतीस कोटि झन कीजर तै ऐति ओती 

छहुअ त हे परमान का भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

(1 )

घर ले खेदव लक्ष्मी दाई ला कोठा ल उजारत हव 

खेती खार के पैरा भूसा म काबर आगि बारत हव 

कोन बैरी के भुध म आके एला काबर टारत हव 

भूख म रोवय अउ नरियावय आँखि नई तो उघारत हव 

उड़ान -जेकर बिना घर हे सुन्ना कोठी डोली उन्ना उन्ना 

जेकर बिना घर हे सुन्ना कोठी डोली उन्ना उन्ना 

बिन गोबर के धान गा  भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

(2)

कतको मोटर गाड़ी ले घलो रद्दा म रउड़ावत हे 

खोजत हे चारा ल बपरी झिल्ली ओल्हा ल खावत हे 

कोन जनम के पाप मिले हे लाठी टांगिया ल पावत हे 

उड़ान -मुड़ ल धरके बईठे पहटिया गुणय संझा अउ बिहनिया 

मुड़ ल धरके बईठे पहटिया गुणय संझा अउ बिहनिया 

 गोरथ हे दैहान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

(3 )

रोअत कलपत आज किजेरथे रद्दा दुआरी डगर म जी 

बाचे परिया ल कब आलस धरती बूड़गे जहर म जी 

दूध दही ह ठार सुखागे दुहना रोवय घर म जी 

बढ़ बिपत म पड़बे तैहा रोबे आठो पहर म जी

उड़ान -गऊ पीड़ा नई दिखय काबर बुढ़िया बड़गे तोरे जागर 

अब तो बन जा सुजान गा भैया  गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

(4)

चेतव  चेतावव जम्मो जुरमिल  गउ ल कोठा बाधव जी 

 खेती खार बर गोबर खातु बइला म नागर फादव जी 

दूध दही ले जीव जुड़ाही छेना म जेवन राधव जी 

चलव लहुटव जुन्ना गांव म भईया उधव माधव जी  

उड़ान -माई परब हे हरेली दिवाली गऊ बर लोदी थारी थारी 

माई परब हे हरेली दिवाली कांतिकार्तिक करे सिंगारी 

सुहई संग आशीष पान गा भईया   गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान

गउधन ल लक्ष्मी जान गा भईया गउधन लक्ष्मी जान